Hallo geseende vrou van God.Graag sal ek jou wil vertel van hoe jou kamp my lewe verander het.

Verlede jaar Januarie 2015 het dit baie sleg gegaan in my lewe. My besigheid was besig om onder te gaan en ek en man het ernstige huweliks probleme gehad.

Ek het in myself getwyfel en nie geweet herwaarts of derwaarts nie.

Een oggend kry ek ‘n e-pos van jou af wat die kamp datum deur gee. Ek het dadelik geweet dat dit ‘n uitnodiging van God af is en dat ek dit moet bywoon.

Ek het stil geword en gehoor ek moet in pewter werk. Verder het God vir my die vrou gewys wat ek moet maak. Nooit in my lewe het ek geweet dat ek in staat was om so iets te kon doen nie.

By die kamp het God op Sy sagte manier vir my gewys hoe kosbaar ek vir hom is. Hy het my kom herstel so tussen die berge en waterval.

Ek moes almal vergewe, my “klippe’ op die altar kom neersit en vergewe.

Ek wou nie Sondag huis toe gaan nie. By die huis was al die ‘probleme’.

Terug by die huis was ek ‘n ander vrou. Ek het my “swaard’ op die plaas gekry en moes hom hier in Gauteng kom gebruik.

By die 2de kamp het my man saam met my gekom. Die oorlogvoering is nie maklik nie maar ek kan altyd terugdink aan ‘n kamp in Clarens waar God my heelgemaak het.

Vry om in Sy wil verder te stap sonder om weer in myself te twyfel.

Dankie vir die instrument wie jy is in God se hand.

Liefde

Sharon

Baie dankie vir die spesiale naweek van seën. Vader het regtig ‘n afspraak met my gehad. Ek sien nou hoe Hy tekenklasse gebruik het om my oë oop te maak anders sou ek hierdie naweek gemis het. Ek waardeer dat julle my toegelaat het om net te wees en nie te druk om te “perform” nie. Ek maak maar baie stadig oop vir so ‘n kort naweek, so die meeste van my binnekant bly maar ‘n geheim!

God het met my kom werk, my stilte gegee, my laat rus. My rus gegee van frustrasies en versoekings en Hy was sommer net “nice” met my. Hy het ook dinge kom oopbreek en meer rigting gegee.
Markus 6:31 Hy sê toe vir hulle: “Kom julle alleen saam na ‘n stil plek toe en rus ‘n bietjie.”

As mense so saam in die teenwoordigheid van die Here was dan kom hierdie vers altyd by my op:
Mal 3:16 Toe het die wat die Here vrees, met mekaar gespreek; en die Here het dit opgemerk en gehoor, en daar is ’n gedenkboek voor Sy aangesig geskrywe vir die wat die Here vrees en sy Naam eer.

Weereens baie dankie.